الانسان فى الجنينه

كان فيه جنينه عايش فيها حمار وكلب وقرد وانسان .. رئيس مجلش اداره الجنينه طلب فى اول يوم عمل له ان يجتمع بالسكان الاربعه الذين اندهشوا من الامر لكنهم جاءوا فى الموعد المحدد للاجتماع حيث بدأ رئيس الجنينه موجها كلامه للحمار قائلا له : انت حمار وهتفضل طول عمرك حمار تشتغل من طلوع الشمس لغايه الليل .. تشيل فوق ظهرك كل الاحمال الثقيله وتأكل الشعير ومعندكش ذكاء وعمرك حوالى خمسين سنه .. فقال الحمار : موافق اكون حمار يا افندى طول عمرى .. بس خمسين سنه كتير اوى عليه .. انا مش عايز اعيش اكتر من 20 سنه !! فهز رئيس الجنينه رأسه موافقا وهوه يقول : سندعوا الله الا يطول عمرك عن 20 سنه
جاء الدور على الكلب الذى كان يجلس على يسار الحمار حيث قال له : انت كلب مهمتك حراسه بيوت البشر وانت على فكره من احسن اصدقاء الانسان وعشان كده بتعيش على فضلات اللى ممكن يتركها لك .. ايه رئيك تعيش 30 سنه بحالها !! فقال الكلب : حيلك حيلك .. وليه 30 سنه كفايه اوى 15 سنه .. فهز رئيس الجنينه رأسه وهو يشير الى السماء مؤكدا ان الدعاء لله ان يعيش الكلب 15 سنه
ثم جاء الدور على القرد الذى قيل له : اما انت يا عزيزى القرد فتظل عشرين سنه بحالها تتنطط من غصن لغصن وتعمل عجينه الفلاحه علشان الناس تضحك فقال القرد : معنديش مشكله . بس الصراحه عشرين سنه دى كتير اوى كفايه عليا 10 سنين فقال رئيس االجنه سندعوا الله ان تعيش 10 سنين
وخيرا جاء الدور على الانسان الذى جلس وسط الحيوانات مزهوا بنفسه لانه الوحيد المميز بينهم ورئيس اللجنه يقول للانسان اما انت يا عزيزى المخلوق الوحيد الاكئر ذكاء على وجه الارض وذكائك ده حيكون سبب انك تقود باقى الحيونات وتسيطر علي العالم كله . وايه رئيك يكون عمرك حوالى 20 سنه !! فقال الانسان : عشرين سنه ايه يا جدع . انا عايز ال 30 سنه اللى اتنازل عنهم الحمار ومعاهم 15 بتوع الكلب اما العشر سنين بتوع القرد انا مش عيزهم فقال رئيس الجنينه اوكى ياعزيزى سندعوا الله ان يطيل عمرك كما طلبت !!
ومن هنا الانسان بيعيش عشرين سنه كانسان لغايه ميتجوز وبعدين يعيش 20 سنه زى الحمار يشتغل ويتعب من الصبح لغايه بليل من غير محد يقول شكرا . وبعد معياله يكبروا بيعيش فى البيت 15 سنه زى الكلب ياخد باله من البيت وياكل الفضلات اللى فى التلاجه . وبعدين يشيخ ويتقاعد ويكون عياله اتجوزا بيعيش 10 سنين زى القرد يتنقل من بيت لاخر ومن ابن لاخر وتوتا توته خلصت الحدوته

ههه موضوع جميل وهادف وظريف



تقبلى مرورى

مشكورا لمروركم

المزيد يا نور

جمـــــــــــــــــــــــــيل يانور بارك الله فيك